Punto de Vista Bilduma
Permanencia de lo efímero
Permanencia de lo efímero, iragankortasunaren iraunkortasuna euskaraz, Miquel Martí Freixasek komisariatutako izen bereko filmen zikloarekin bat dator. Haren helburua da erakustea zinemagileek eta artistek nola egin dioten aurre internet bideoekin egindako filmen paradigma berriari. Kezka horien luzapena da liburu hau. Programa horretaz elikatzen da eta osatu egiten du. Abiapuntu gisa hartzen ditu, eta aldi berean, bere buruari galdetzen dio ea zinemak nola beretzen dituen sarera igotako irudiak eta haien aukera narratiboak eta etikoak.
Liburukiak biltzen dituen testuak hurbilketa laburra dira, gaztelaniaz, Internet artxibo digitalaren erabileraren katalizatzaile gisa ulertzen duten filmetara. Testu heterogeneoak dira formari eta hizkuntzari dagokienez, bai egileak hainbat belaunalditakoak direlako, bai Internetekin erlazionatzeko modu desberdinak dituztelako, autoerrepresentaziorako tresna gisa.
Internet betiereko orainaldi gisa aurkezten zaigu, non dena gordeta dagoen. Egileekin batera bidaiatuko dugu Youtuben ostatatutako irudien bidez (zinema-mota horren plataforma aitzindari gisa), eta Google Maps, Google Street View, Instagram, WhatsApp, Airbnb, Idealista, Twitch eta beste mapa birtual eta irudi-biltegi batzuetan barrena ibiliko gara.
Miquel Martí Freixas, Gala Hernández López, Dominic Gagnon, Manuela Gutiérrez Arrieta, Claudia Negro, Dennis Vetter, Kevin B. Lee, Daniel Natoli, Dácil Pérez eta Lého Galibert-Laînéren gogoetekin, alderdi pertsonalaren eta teorikoaren artean ibiliko gara sarea den artxibo handi horretan, bere kaos eta konplexutasun guztiarekin. Norberaren zein besteen prozesuetatik abiatzen diren begiradak, irudiak kontsumitzen, sortzen eta ekoizten dituzten aldetik; artxibo digitalaren erremontatzaileak eta komisarioak. Iragankorra da Interneten dugun arrastoa, eta argitalpen honek oso gogoan dauka hori, bertan idatzi duten zinemagileek bezalaxe.
Inés Calero, editorea
NICDO, S.L.k sustatua eta banatua.
- Telefonoa: +34 948 06 61 95
- Helbide elektronikoa: info@puntodevistafestival.com
 |
|
|