Podul de Piatrâ/Pont de pedra

Festival de San Sebastián, Festival Márgenes. 

Podul de Piatra Errumaniako abestia da, eta honela dio:

Harrizko zubia erori egin da
Ura etorri eta eraman egin du.
Beste bat egingo dugu ibaiaren gainean, behean,
Beste bat sendoagoa eta ederragoa!
Beste bat egingo dugu ibaiaren gainean, behean,
Beste bat sendoagoa eta ederragoa!

Podul de Piatra gaueko film baten izenburua ere bada. Gaua ematen du ikusi aurretik. Animalia baten arnasketa entzuten da eta farola bat pizten da. Animalia zaldi bat da. Behor bat. Erditu berri du. Moxal jaio berria geruza erdi garden batean bilduta dago, eta badirudi haren kontra borroka ari dela. Iraulka ari da. Plazenta hautsi behar du, bizitzara erabat iristeko. Angelicak isilik begiratzen dio eszenari.
Angelica errumaniarra da, Sartaldeko Zerrendako herri batean bizi da eta ukuilu batzuetan egiten du lan. Abesti errumaniarra bere etxeko telebistan entzuten da, baina seinale distortsionatua da. Senarra antena konpontzen saiatuko da interferentziak saihesteko, baina ez du lortuko. Nahasmendu horrek zeharkatuko ditu Angelica eta film osoa.

Lur Olaizola