Zeruaren eta lurraren arteko, kosmoseko argiaren eta gizakien arteko distantziari eta haien artean sortzen diren joan-etorri misteriotsuei buruzko filma da. Txilen, hiru mila metroko altueran, mundu osotik etorritako astronomoak Atacama basamortuan bildu dira izarrak ikusteko. Zeruaren gardentasunari esker, unibertsoaren mugak ikus daitezke. Behean, lurzoruaren lehortasunak gorpuzkinak betiko bere horretan gordetzen ditu: momiak, esploradoreak, abenturazaleak, indigenak, meatzariak eta diktadurako preso politikoen hezurrak. Astronomoak lurretik kanpo biziaren bila ari diren bitartean, emakumeen talde batek harriak mugitzen ditu: familiakoen bila ari dira. Urte askotako lan dokumentala, film nonetan gailur poetiko eta militantea lortzen duena.
Zinemaldiak eta sariak
Premio François Chalais (Mención Especial), Festival Internacional de Cine de Cannes 2010; Mejor documental, Festival de Cine de Abu Dhabi; Mejor Documental, Festival de Biarritz; Mejor documental, Premios del Cine Europeo, 2010.
Patricio Guzmán Txileko Santiagon jaio zen 1941ean. 1973an La batalla de Chile grabatu zuen, Allenderen gobernuaren amaierari buruzko bost orduko dokumentala. Cineaste aldizkariaren arabera, dokumental hori “munduko 10 film politiko onenetakoa da”. Azken lana, Nostalgia de la luz, 2006 eta 2010 bitartean garatu du, denborari, kosmosari eta historiari buruzko bost film laburrekin batera. Guzmánek zinema dokumentalari buruzko eskolak ematen ditu Europan eta Latinoamerikan eta Santiagoko Dokumentalen Jaialdiko (FIDOCS) presidentea da.Gaur egun Frantzian bizi da.