2024ko edizioa

Eguneko programa

Ibilbideak

Sail Ofiziala

Hamabi film luze eta zortzi film labur lehiatuko dira jaialdiko bost sariak lortzeko: Punto de Vista Sari Nagusia film onenari, Jean Vigo Saria zuzendari onenari, Film Labur Onenaren Saria, Publikoaren Sari Berezia eta Gazte Epaimahaiaren Saria. Mundu mailako estreinaldiak, 5; Nazioartekoak, 3; Europako, 1; eta Espainia mailan 12.

Lan

Zinema dokumentala sortzeko eta ekoizteko prozesuei buruzko proiekzioak eta elkarrizketak. «Termitak» sailak ahotsa emanen die gure testuinguru hurbileko zinemagile egongaitzenei, eta zenbait topaketa eginen dira ondareari buruzko zinema dokumentalaren zaintzaren inguruan: mahai inguru bat, Rosa Maria Antuña brasildar zinemagile aitzindariaren bi film labur (berraurkituak), proiekzio sorpresa bat Fernando Martín Peña argentinar artxibozain heterodoxoaren eskutik eta hainbat jarduera profesional.

Foku

Atzera begirako hiru ziklo: bi monografiko «Lotzen gaituzten begiztak» eta «Haute Bourgeoisie Française-aren abentura klandestinoak» –Espainian Su Friedrich (New Haven, AEB, 1954) eta Joël Akafou (Bouaké, Boli Kosta, 1986) egileen zinemari eskainitako lehenak, zinemagileen presentziarekin–, eta «Zuhaitzetatik gertu», zinema dokumentaleko historia naturalen hirugarren atala, Miriam Martínek programatuta eta aurkeztuta.

Kontaktuak

Dokumentala, diziplinarekin zerikusia duten mugetatik haratago .Zer zerikusi dute beirateetako arte gotikoak eta zinemak? Gai horretan argia emanen digu film-hitzaldi batek, Estatu Batuetako abangoardiako zinemaren legenda baten eskutik: Jerome Hiler. Gainera, film propioen programa bat izanen dugu ikusgai («Kristalaren kolorea»). Bestalde, Nestor Basterretxeari omenaldia eginen zaio Oteiza Museoan, bere jaiotzaren mendeurrenean.

X Films

Formatu berria: Celia Viada Caso zinemagile gonbidatuak Huarte Zentroan egin duen egonaldiaren emaitzak aurkeztuko ditu, 2025eko Punto de Vistan estreinatuko duen filma prestatzen aritu baita bertan; bere aurreko zenbait lan ere erakutsiko dizkigu. Gainera, 2023an garatutako proiektua estreinatuko da: Transitos, Anna López Lunarena.

Bitartekaritza-programa

Belaunaldi gazteenek hartuko dute lekukoa. Tailer bat, familientzako saio bat, saio ludiko bat, Gazte Programatzaileak serieen jarraipena, eta Nafarroako institutuetako ikasleentzako proiekzio bat.

Musika Punto de Vista

Urtero bezala, Punto de Vistak tarte nabarmena eskainiko dio musikari, are handiagoa hemezortzigarren edizioari begira. Jaialdiaren programazioaren barruan hainbat kontzertu, DJ saioak eta zuzeneko musika duten irratsaioak daude.

Puxika Gorria Ludoteka

Jaialdian kontziliatu egin ahal izango da, hainbat egunez sei hilabetetik hamabi urtera arteko haurrentzako espazio bat izango baitu bai akreditatuen bai publiko orokorraren esku.

Laguntzaileak